წითელი ლობიო იმერულად
  მასალა
  • წითელი ლობიო 1კგ
  • ხახვი 2 თავი
  • ქინძი 6 ძირი
  • ტყლაპი 50 გრამი
  • ქონდარი 4 ძირი
  • ოხრახუში 4 ძირი
  • მარილი, ნიორი და წიწაკა გემოვნებით
მომზადება წითელი ლობიო გავარჩიოთ, გავრეცხოთ, ჩავყაროთ ქოთანში ან ქვაბში, დავასხათ ბლომად წყალი და ვხარშოთ. თუ წყალი დაიშრო დავამატოთ ადუღებული წყალი. როცა ლობიო მოიხარშება, ჩავყაროთ შიგ დაჭრილი ხახვი, ქინძი, ოხრახუში, ქონდარი, დანაყილი ნიორი, წიწაკა, მარილი, დაუმატოთ ტყლაპი, წამოვადუღოთ და კარგად ამოვგლისოთ. გემრიელად მიირთვით.