გამომცხვარი პომიდორი ხორცითა და არაჟნით

ინგრედიენტები

• პომიდორი 6-8 ცალი
• ღორის ხორცი (შეიძლება შეიცვალოს ქათმით) 250-300 გრ
• ყველი 150-200 გრ
• ხახვი 1-2 ცალი.
• ნიორი (სურვილისამებრ) 1-2 კბილი
• არაჟანი 2-3 სუფრის კოვზი
• ხორცის ბულიონი (ან რძე) 0,5-0.75 ჭიქა
• ფქვილი 1-1,5 სუფრის კოვზი
• ოხრახუში ან კამა
• მცენარეული ზეთი და კარაქი შესაწვავად
• მარილი
• ახლად დაფქული წიწაკა

მომზადება

პომიდორი გარეცხეთ, მოაჭერით თავი და გამოასუფთავეთ ისე, რომ ფორმა არ დააზიანოთ. მარილი მოაყარეთ და გააჩერეთ 10 წუთი. ღორის ხორცი გარეცხეთ, ქვაბში ჩაასხით წყალი, ჩაყარეთ მარილი, პილპილი, დაფნის ფოთოლი. აადუღეთ და შემდეგ ჩადეთ ხორცი, კვლავ აადუღეთ. ხარშეთ 35-40 წუთი. შემდეგ გადმოდგით, მაგრამ 10 წუთი არ ამოიღოთ. დაჭერით ხორცი პატარა კუბებად. ხახვი დაჭერით წრეებად, ყველი გახეხეთ წვრილად, მწვანილი გარეცხეთ და დაჭერით წვრილად, ნიორიც წვრილად დაჭერით. ზეთიან და კარაქიან ტაფაზე მოშუშეთ ხახვი. მოშუშული ხახვის ნახევარი გადაიტანეთ ღრმა ტაფაზე დადაამატეთ ხორცი, მარილი, პილპილი, ნიორი და შეწვით. მეორე ნახევარს დაამატეთ კარაქი, ფქვილი და კარგად აურიეთ. დაასხით ბულიონი და აადუღეთ. შემდეგ დაამატეთ არაჟანი, კვლავ წამოადუღეთ. მოაყარეთ მარილი, პილპილი და რამდენიმე წუთში გადმოდგით. თასზე გადმოიტანეთ ხორციანი მასა, მწვანილი, ყველი, სოუსი , კარგად აურიეთ, მოაყარეთ მარილი და პილპილი გემოვნებით და გატენეთ პომიდორი. პომიდორი მოაწყვეთ ცხიმწასმულ გამოსაცხობ ფორმაში და გამოაცხვეთ 180 გრადუსზე 15 წუთის განმავლობაში. შემდეგ მოაყარეთ თავზე ცოტა გახეხილი ყველი და კვლავ შეაბრუნეთ გაზქურაში 5 წუთი. გემრიელად მიირთვით!