ტორტი "მადონა"

  მასალა

• კვერცხი 3 ცალი
• შაქრის ფხვნილი 1.5 ჭიქა
• თაფლი 3 სუფრის კოვზი
• კარაქი 300 გრამი
• შესქელებული რძე 1 კოლოფი
• ფქვილი 5 ჩაის ჭიქა
• სოდა 1 ჩაის კოვზი
• ძმარი 1 სუფრის კოვზი
• ვანილი გემოვნებით

მომზადება სამი კვერცხისა და ჭიქანახევარი შაქრის ფხვნილისგან გავაკეთოთ გოგლი-მოგლი, დავამატოთ სამი სუფრის კოვზი გამდნარი თაფლი, სამი სუფრის კოვზი გამდნარი კარაქი, სოდა ძმარში გახსნილი, 3 ჩაის ჭიქა ფქვილი და მოვზილოთ ცომი. წინასწარ თასით ავადუღოთ წყალი, შიგ ჩავდგათ ქვაბი, რომელშიც ზემოთ აღნიშნული მასაა მოთავსებული და გავაჩეროთ ათი წუთი(ცომი უნდა იყოს წებოვანი). შემდეგ გადმოვიღოთ ფქვილმოყრილ ფიცარზე, კიდევ კარგად დავზილოთ და გავყოთ რვა ნაწილად. თითოეული ნაწილი ცომისა უნდა გამოვაცხოთ ცალ-ცალკე. წავუსვათ კრემი ყველა ფენას, დავალაგოთ ერთმანეთზე, ბოლო ფენასაც წავუსვათ კრემი და მოვაყაროთ დაფხვნილი შემოჭრილი ნაპირები. კრემისთვის 300 გრამი კარაქი კარგად გავთქვიფოთ გათეთრებამდე, შევაზილოთ ერთი კოლოფი შესქელებული რძე და ვანილი. გემრიელად მიირთვით!